Performed by Grant Huwyler

Kati, e tama, te noho i to whare!

E puta ki waho ra, ka haere taua

Ra nga parae I waho o Whakaari!

Kia ia mai koe, “Ko wai to ingoa?”

Mau e ki atu, “Ko Te Rara-o-te-Rangi!”

Kei ki mai, “Te wareware!”

Ka pau te whakanoa e te tini, e te mano!

“Moku ia nei, mo te kahui pepeke, Te Roa Wairerewha!”

Kei whea to tipuna, kia whakaputa mai?

I muri ano a Whakatau-potiki,

Nana I tautoko te rangi I runga-

Ka puta koe ki te whaiao,

Ki te ao marama!

Hikaka te haere ki runga Taikoria!

Pukana o karu ki roto Manawatu,

Kei o matua e tu mai ra

I te one o te riri-

Ka ngaro te tangata!

Aronui te haere ki roto

Horowhenua,

Kia powhiri mai koia, I to whaea,

E Rai-a-te-waka! Ki paoa te rangi

Te rau o te huia! He noa te tinana-

Tenei to piki, he hokioi I runga,

Nga manu hunahuna, kaore I kitea

E te tini, e te mano!

Kia takaro koe nga takutai

I waho o Waiwiri, I roto o Waikawa!

Ka eke koe ki runga o Pukehou

Ka whakamau, e tama, ki waho o Raukawa-

Ko nga moana ra e whakawhana no ara

O tupuna I te kakau o te hoe!

Ngaro rawa atu ki Hawaiki